--Ads--
Dead on arrival ti maysa a drayber ti motorsiklo gapu iti aksidente a napasamak idiay Barangay Cabaroan, Magsingal, Ilocos Sur.
Ti drayber ket maysa a lalaki, agtawen iti duapulo ket pito, minanehona ti NMAX a motorsiklo, ken kinalubbonna ti maysa a lalaki nga agtawen iti duapulo ket uppat, agpadada a taga-Barangay San Lucas.
Agpapalaud ti motorsiklo iti barangay road ket idin ta saan a nakontrol ti drayber ti manibela ti luganna gapu iti kinabartekna isu a napan iti bangir a linya ket naidungpar iti barut nga alad.
Nadunor dagiti nagkalubbon ket naitarayda iti ospital ngem saan a nakalasat ti drayber.
-- ADVERTISEMENT --
