VIGAN CITY – Natay ti maysa a lalaki a nagmaneho iti motorsiklo gapu ti pannakaidungparna iti nakaparada a truck iti paset iti Brgy Mabilbila Sur, Santa.
Nabigbig ti biktima a ni Demio Arellano, agtawen iti uppat a pulo ket innem, naasawaan, construction worker, a taga Brgy Mabilbila sur idinto a ti Howo Truck ket ket minaneho ni Mario Buenaventura, agtawen ti uppat a pulo ket innem, naasaawan, a taga Sitio 3 Pungo, Calumpit, Bulacan.
Iti imbestigasyon, ti truck ket nakaparada iti daya a paset ti kalsada a nakasignal light a sumango iti amiaman idinto a ti biktima a nakamotor ken nakahelmet ket agpapaamianan a direksyon idin ta nadungparna ti likudan a paset ti truck.
Mapapati a nakainom iti arak ti biktima a nagsagaba iti nakaro a dunor iti ulo a puon ti nakatayanna idinto a saan met a naan-ano ti drayber ti truck nga adda itan iti kustodia ti Santa Police Station tapno dumalan iti husto a proseso.
