Natay ti maysa a nagmaneho iti motorsiklo gapu iti pannakaaksidentena idiay Barangay Caburao, Santiago, Ilocos Sur.
Nabigbig ti drayber a ni Erick Gacusan Aspirias, agtawen iti duapulo, adda live-in partnerna, taga-Barangay Balingaoan, Candon City, awan ti helmetna ken minanehona ti Suzuki Raider 150 a motorsiklo.
Iti pannaki-uman ti Bombo Radyo Vigan ken ni PLT. Jaime Caban Jr., daldalyasaten ti motorsiklo ti Santiago-Quirino Provincial Road nga agpadaua, ket idi nagtengna ti nakapasamakan ti insidente, kangrunaan ti rangtay a matartarimaan ket saanna a nakontrol ti manibela ti luganna ket naidarusdos iti kalsada.
Gapu dayta, nadunor ti ulo ken nadumaduma a paset ti bagi ti drayber ket naipaagas iti ospital ngem naideklarar a dead on arrival.
Nakainom ti drayber idi mapasamak ti aksidente ken awan pay ti helmet, lisensya ken reflectorized vest-na.
