VIGAN CITY – Dead on arrival ti maysa a lalaki a nagmotorsiklo gapu iti pannaka-aksidentena itay alas dose trenta iti rabii iti national highway idiay Brgy. Gungogong, San Ildefonso, Ilocos Sur.
Segun ti San Ildefonso Municipal Police Station, ti biktima ket ni John Murine Pagaoa, agtawen iti tallopulo ket pito nga agnaed iti Brgy. Tamag, Vigan City.
Maibasar ti imbestigasyon, nakalugan ti biktima iti Yamaha Mio Sporty, color pink nga agturong iti bagatan a direksyon idi nadanonna iti nasao a lugar kangrunaan iti agsikko a paset iti kalsada idin naawanan iti kontrol iti manibelana a gappuanan iti pannakaidungparna iti concrete barrier iti laud a paset iti kalsada.
Gapu iti sinagabana a dunor iti nadumaduma a paset iti ket naipan iti Northside Doctors Hospital, Guimod, Bantay babaen kadagiti nagresponde a RHU ken PNP personnel ngem impakaammo ti attending physicianna a ni Dr. Marilou cardenas a natay.
