Lalaki a nagmotorsiklo, natay iti aksidente iti ili ti Narvacan

VIGAN CITY – Dead on arrival ni Gilbert Cabebe, agtawen iti duapulo ket dua a taga-Barangay Margaay, Narvacan, nagmaneho iti motorsiklo gapu ti pannaka-aksidentena idiay Barangay Sta. Lucia, iti nasao nga ili.

Agpapa-abagatan ti motorsiklo a napaspas ti tarayna idin ta saanna a nakontrol ti manibela ti luganna ken naidungpar iti waiting shed.

Gapu dayta, nagsagaba iti nakaro a dunor ti drayber ti motorsiklo a naipaagas iti ospital ngem saanen a nakalasat.

Ti biktima ket mapapati a nakainom iti arak idi napasamak ti aksidente.