Lalaki a nagmotorsiklo, natay iti aksidente

VIGAN CITY – Dead on arrival ni Chester Paul Vargas Daguasi, agnaed iti Pagangpang, Galimuyod, nagmaneho iti motorsiklo ta naaksidente idiay Barangay Patac, Galimuyod.

Nabigbig met ti backrider a ni Mae Aleson Tilan Ressurecion, agtawen iti duapulo ket siam, agnaed iti Barangay Poblacion, iti nasao nga ili.

Agpapadaya ti motorsiklo iti Salcedo-Galimuyod-DelPilar road idin ta saanna a nakontrol ti drayber ti manibela ti luganna ket naidungpar iti konkreto nga alad.  

Awan ti helmet dagiti nagkalubbon ket nagsagabada iti dunor ti nadumaduma a paset ti bagida.

Naipaagasda met iti ospital ngem saanen a nakalasat ti nagmaneho.

Mapapati a nakainom iti arak dagiti nagkalubbon idi mapasamak ti aksidente.