--Ads--
VIGAN CITY – Nadunor ti nadumaduma a paset ti bagina ti nagmotorsiklo a ni Gilbert Toledo Pira, agtawen iti duapulo ket tallo, agnaed iti Barangay Capangdanan, Bantay gapu ti napasamak nga aksidente idiay Barangay Cabaroan, iti nasao nga ili.
Agpapadaya a direksyon ti motorsiklo idin ta saanna a nakontrol ti manibela ti luganna ket naidungpar iti pader a gapuanan ti pannakadunorna.
Naipaagas met ti drayber iti Metro Vigan Hospital babaen dagiti nagresponde a kameng ti Municipal Disaster Risk Reduction and Management Council.
Natakuatan a ti drayber ket nakainom iti arak idi maaksidente.
-- ADVERTISEMENT --
