VIGAN CITY – Nadundunor ti nagmaneho iti motorsiklo ta nakadinnungparna iti maysa nga SUV iti national highway idiay Barangay Puerta Real, Sto. Domingo, Ilocos Sur.
Segun ti Sto. Domingo Municipal Police Station, ti nagmaneho iti euro motorcycle a color blue ket da Charlie Rabara Anadia, agtawen iti sangapulo ket walo, baro, construction worker nga agnaed idiay Barangay San Clemente, Magsingal idinto a ti nagmaneho iti Isuzu MUX a color white ket ni Mylene Singson Cobangbang, agtawen iti limapulo ket tallo, naasawaan, physician nga agnaed idiay D Singson St. Rizal, Cabugao.
Agpapabagatan ti SUV idinto a ti motorsiklo ket agbalballasiw iti laud a paset iti kalsada a gappuanan ti panagdinnungparda.
Gapu ti sinagaba a dunor ti nagmotorsiklo ket naipan iti Gabriela Silang General Hospital para pannakatamingna idinto a saan a naan-ano ti driver iti SUV.
