--Ads--
Maysa a drayber ti motorsiklo ti nadunor iti napasamak nga aksidente idiay Barangay Tamorong, Sta. Catalina, Ilocos Sur.
Ti drayber ket maysa a lalaki nga agtawen iti tallopulo ket tallo, construction worker.
Agpapalaud ti motorsiklo idin ta adda bimmallasiw a baka isu a saan a nakontrol ti drayber ti manibela ti luganna gapu iti napaspas a patarayna ket nadungparna ti baka.
Nadunor dagiti 2 a saka ti drayber, takyag, ken ti kannigid a paset ti ulona.
-- ADVERTISEMENT --
Naipaagas iti ospital ti drayber para iti naan-anay a pannakatamingna.
Nakainom ti drayber idi mapasamak ti aksidente.
