Lalaki a nagmotorsiklo, nadunor kalpasan a naidungpar iti poste

Nadunor ti maysa a nagmotorsiklo iti napasamak nga aksidente iti Barangay Parioc 1^st, Candon City, Ilocos Sur.

Ti drayber ket maysa a lalaki nga agtawen iti duapulo ket tallo, taga-Barangay Ayudante, Candon City.

Agpapa-amianan ti motorsiklo idin ta saan a nakontrol ti drayber ti luganna ket naidungpar iti poste iti igid ti kalsada.

Naipaagas iti ospital ti drayber para iti naan-anay a pannakatamingna.