--Ads--
Nadunor ti maysa a drayber iti aksidente a napasamak iti national highway ti Barangay Caburao, Santiago, Ilocos Sur.
Karaman iti aksidente ti maysa a motorsiklo a minaneho ti lalaki nga agtawen iti tallopulo ket lima.
Ti met MPV ket minaneho ti lalaki nga agtawen iti limapulo ket siam, agnaed iti San Jose, Candon City, Ilocos Sur.
Adda iti outer lane ti motorsiklo idin ta bimmallasiw iti national highway idinto a ti MPV ket adda iti inner lane.
-- ADVERTISEMENT --
Idi nadanonda ti nakapasamakan ti insidente, bigla a bimmallasiw ti motorsiklo isu a nadungpar ti sumungad nga MPV.
Nadunor ti nadumaduma a paset ti bagi ti drayber ti motorsiklo a naipaagas iti ospital para iti pannakatamingna idinto a saan a naan-ano dagiti naglugan iti MPV.
