VIGAN CITY – Nadunor ti lalaki a nagmotorsiklo gapu iti pannakaaksidentena iti Brgy. Road iti Sitio Madula idiay Barangay Turod-Patac, Cabugao.
Segun ti Cabugao Municipal Police Station, ti nagmaneho ti Racal 100 MC a color blue ken black ket ni Mark Lester Sayaboc Bartolome, agtawen ti tallopulo ket lima, addaan ti live-in partner, a taga-Brgy. Alina-ay, Cabugao ket awanan ti driver’s license, saan a nagaramat iti helmet ken nakainom iti nasanger idi napasamak iti aksidente.
Sakbay iti insidente, agpapadaya iti motorsiklo idin nadanonna iti nasao a lugar ket naawanan ti kontrol iti manibela a gappuanan ti pannakaidungparna iti signage.
Gapu dayta, nagsagaba iti dunor iti ulo ti driver ken naipan iti Pira Hospital, Cabugao para iti pannakatamingna.
