VIGAN CITY – Maysa a lalaki ti nadunor kalpasan a naaksidente iti national highway iti Brgy Curtin, Sinait.
Nabigbig ti drayber ti Hyundai EON a ni Armando Revolido, agtawen iti walopulo ket tallo ,naasawaan nga agnaed ti nasao a lugar idinto a ti nagmaneho ti Ducati Motorcycle ket nabigbig a ni Gevaert Paul Papa, agtawen iti tallopulo ket maysa a taga-Brgy Sta Maria, Nagrangtayan Sanches Mira, Cagayan ngem nainagan ti lugan ken ni Louie Cliff.
Segun kadagiti pannakabagi ti linteg, adda iti kannawan nga outerlane ti Hyundai nga agpapa-amianan a direksyon ket sumarsaruno kenkuana ti motorisklo idi nagpatengnga a puon aksidente.
Nadunor ti nadumaduma a paset ti bagi ti drayber ti motorsiklo idinto a saan a naan-ano ti drayber ti kotse.
Agpada a naipan dagiti drayber iti Ilocos Sur District Hospital-Sinait para ti pannakatamingda.
