VIGAN CITY – Dead on Arrival ni Demetrio Adrian Pasic Cristobal, agtawen ti duapulo, baro, estudyante ken agnaed idiay Barangay Bugnay, Candon City gapu iti pannaka-aksidentena iti Diversion Road idiay Brgy. Bagani Ubbog, Candon City, Ilocos Sur.
Maibasar ti inisyal nga imbestigasyon ti Candon City Police Station, agpapaamianan a direksyon a nakamotorsiklo ni Cristobal idin nadanonna iti agsikko a paset iti lugar ket naawanan ti kontrol ti manibelana a gappuanan ti pannakaidungparna iti kongreto a barrier.
Naipan pay laeng iti Candon City Hospital ti biktima babaen dagiti nagresponde a BFP Rescue Team ngem naideklarar a natayen babaen ken ni Dr. Daryl Torda.
Kabayatanna, adda ti nakita a helmet iti asideg ti biktima ngem awan iti driver’s license-na.
