VIGAN CITY – Nagsagaba iti dunor iti agong ni Jun Bacdayan, agtawen iti duapulo ket uppat, taga-Barangay Poblacion, Quirino, nagmaneho iti Honda Click a motorsiklo gapu ti pannakadungparna iti Skygo motorcycle a minaneho ni Jeffrey Calub, agtawen iti tallopulo ket walo, agnaed met laeng iti nasao a lugar.
Agpapa-abagatan a direksyon ti Honda Click iti highway iti nasao a barangay idin ta ti Skygo 125 motorcycle a naggapu iti daya ket simrek met iti national highway.
Gapu dayta, nadungpar ti Honda Click ti bimmallasiw a Skygo 125 motorcycle a nagsagabaan ti driver t Honda Click iti dunor ti ulo kangrunaan iti agong idinto a saan a naan-ano ti drayber ti Skygo 125.
Naipaagas ti drayber ti Honda Click iti Quirino Hospital para ti pannakatamingna.
