VIGAN CITY – Dead on arrival ti maysa a lalaki a nadisgrasya idiay Lapting, San Juan.
Nabigbig ti natay a ni Dennis Dela Pena, agtawen iti uppat a pulo, construction worker a taga-Daclapan, Cabugao a nagmaneho iti motorsiklo gapu ti pannakaidungparna iti trailer truck.
Ti trak ket minaneho ni Novie Hafalla, agtawen iti uppat a pulo ket pito a taga-Baselan, Santa Cruz ken ti helper na a ni Justine Rogon, agtawen iti sangapulo ket siam a taga-Manuel, Tarlac City.
Agsikko nga agpakannigid ti trailer truck a sumrek iti parking lot iti nasao a lugar idinto a ti agpapaabagatan a motorsiklo ket naidungpar iti akin-kannigid a railings ti trak.
Nadundunor ti biktima a naipaagas iti Pira Hospital, Cabugao ngem saanen a naisalakan idinto a ti suspek ket nakakustodian kadagiti pannakabagi ti linteg para iti proper disposition.