VIGAN CITY – Dead on arrival ti maysa a lalaki a nagmotorsiklo gapu iti pannakadungparna iti kongkreto a poste idiay Barangay Panay Norte, Magsingal.
Segun ti Magsingal Municipal Police Station, ti nagmaneho ti Black Honda TMX125 motorcycle ket ni Satur Orencio Eslit, addan ti husto a tawen, baro, mannalon, tubo idiay San Miqhuel Zamboanga del Sur ngem agnaed iti agdama idiay Brgy. Panay Norte, Magsingal.
Agpapalaud a direksyon ti nakamotorsiklo idi nadanonna iti nasao a lugar idin naawanan ti kontrol ti manibelana a gappuanan ti pannakaidungparna iti kongkreto a poste.
Gapu dayta ket nagsagaba iti dunor ti ulo ken naduma-duma a paset ti bagi ni Eslit isu a naipan ti Magsingal District Hospital babaen ti nagresponde a pannakabagi ti linteg ngem naideklarar a natay.
