VIGAN CITY – Naideklerar a dead on arrival ni Romulo Marquez Quiming nga agtawen ti innem a pulo ket dua, naasawaan nga agnaed idiay Bio, Tagudin a nagmaneho ti Rusco Multicab ta naidungpar iti lugan na iti nakaparada nga Isuzu Aluminum Wing Van idiay diversion road ti Barangay Parioc 1st, Candon City idi alas tres kwarenta y singko iti malem idi kalman, September 23.
Ti nakaparada nga Isuzu Aluminum Wing Van ket minaneho ni Noly Peru Banayos nga agtawen ti uppat a pulo ket dua, naasawaan ken agnaed idiay Barangay Taleb, Bantay.
Agpapa-amyanan ti biktima idi mapapati a naidungpar iti nakaparada nga aluminum wing van nga adda iti akin-daya a shoulder iti diversion road a nakasango iti amiyanan.
Agsipud iti dayta, nagsagaba iti dunor iti naduma-duma a paset iti bagi na ti biktima nga insigida a naitaray idiay Candon City hospital ngem naideklerar a dead on arrival.
