VIGAN CITY – Dead on Arival ti maysa a motorista kalpasan a naidungpar iti 22 wheler truck idiay Brgy. Poblacion East, San Ildefonso.
Nabigbig ti biktima a ni Freedom Castaneda , agtawen ti dua pulo ket siam nga agnaed ti Brgy. Bulala Norte, Vigan City idinto a ti drayber ti 22 wheeler truck ket ni Jenry Sinlao, agtawen ti uppat a pulo ket dua a taga Valenzuela.
Iti pannakiuman ti Bombo Radyo Vigan kenni PLT. Alberto Ramos, Jr, hepe ti San Ildefonso PNP , agpakannigid a paset ti kalsada ti wheeler truck a mapan aggasolina idi saan a nakita ti drayber ti Yamaha R3 ta napaspas ti panagpatarayna a puon iti panakaipangal na iti truck ken pannakaipurwak na.
Nasagaba ti ado a dunor ti biktima ket naipan pay iti Northside Doctors Hospital, Guimod, Bantay ngem saanen a nakalasat.
