VIGAN CITY – Natay ni Aldrin Nailon nga agtawen ti dua pulo ket dua, construction worker ken agnaed idiay Barangay Ayudante, Candon City a nagmaneho iti kurong-kurong gapu iti pannakaidinnungpar na iti motorsiklo a minaneho ni Edel George Gabuyo nga agtawen ti dua pulo ket dua, baro ken agad-adal nga agnaed idiay Barangay Urzadan, Suyo idiay national highway ti Barangay San Juan, Sta. Lucia idi alas nuwebe y media iti agsapa idi October 15.
Segun ken ni Police Captain Leonilo Ancheta, hepe ti Sta. Lucia municipal police station, nakaro a dunor iti sinagaba ni Nailon a poon iti nakatayan na iti laksid a naitaray nga insigida idiay Ilocos Sur District Hospital – Sta. Lucia sa naiyalis idiay Ilocos Training and Medical Center (ITRMC) idiay San Fernando City, La Union nga isu iti nakatayan na idinto a ti inlugan na a ni Emmanuel Tagnia Jr., nga agtawen ti tallo pulo, baro, construction worker ken agnaed met laeng idiay Barangay Ayudante, Candon City ket nadunor met laeng ken naitaray idiay Ilocos Sur District Hospital para iti pannakataming na.
Kabayatanna, ni Gabuyo a nagmaneho iti motorsiklo ket naitaray idiay Candon City ngem naiyalis iti pribado nga ospital idiay San Fernando City, La Union tapnu mataming dagiti dunor a sinagaba na.
Agpapa-amiyaman ti motorsiklo idi mapapati nga immagaw iti linya ta adda ti inovertakan na nga isu iti nakadungparan na iti kinasinnabet na a kurong-kurong a poon iti aksidente.
