VIGAN CITY – Natay ti maysa a lalaki a nagmaneho ti kurong-kurong iti napasamak nga aksidente ti paset ti National Highway ti Brgy. Guimod, Bantay.
Nabigbig ti biktima ken driver ti kurong-kurong a TMX 125 a ni Bartolome Paz Sr agtawen ti lima pulo ket dua, balo ken aglaklako ti nateng ken ti back rider na a ni Rogelio Barrios agtawen ti dua pulo ken dagiti nakalugan ti Mitsubishi Lancer a minaneho ni Brandon Noel Abuan nga agtawen ti sangapulo ket siam ken agnaed ti Brgy. Buquiog, Bantay.
Basar ti imbestigasyon ti Bantay Municipal Police Station, agpada nga agpapaamianan a direksyon dagiti dua a lugan agingga a dinungpar ti Mitsubishi Lancer ti akin sango a kurong-kurong.
Naipan ti Northside Doctors Hospital dagiti biktima ngem indeklara a dead on arrival ni Dr. Clarrissa Adora ni Paz.
Segun ti nakakita a ni alyas Mang Kiko iti napasamak nga aksidente, kalpasan ti aksidente ket naipurwak ti biktima ti kalsada adda ti pick-up a sumungsungad ket naatalanna ti biktima.
