--Ads--
VIGAN CITY – Dead on arrival ni Edmund Quintas Marquez, agtawen iti uppat a pulo ket tallo a taga-Imus, Santiago gapu ti pannakadungpar ti nag-overtake nga SUV iti minanehona a traysikel idiay Brgy. Tablac, Candon City.
Ti SUV ket minaneho ni Evangeline Isiderio Redilosa, agtawen iti uppat a pulo ket siam a taga-San Jose, Del Monte, Bulacan.
Agpapa-abagatan a direksion ti SUV idin ta nag-overtake iti sabali a lugan ket naidungpar iti traysikel a minaneho ti biktima kadua ti backride-na a ni Gerina Marquez.
Nupay kasta, addan iti kustodia dagiti pannakabagi ti linteg ti nagmaneho iti SUV tapno sangwenna ti kaso a maipila kontra kenkuana.
-- ADVERTISEMENT --
