Lalaki a nagmaneho iti SUV, naidungpar iti commercial building iti ili ti Magsingal

VIGAN CITY – Natalged ken saan a napakarwan ni Juan Paolo Mira Espiritu, agtawen iti tallopulo a taga-Paranaque City kalpasan ti pannakaidungpar ti minanehona nga SUV iti maysa a commercial building idiay Barangay Sta. Monica, Magsingal.

Iti pannaki-uman ti Bombo Radyo Vigan ken ni Police Lieutenant Rodel Ragasa iti Magsingal Police Station,  agpapaabagatan ti SUV idin ta saan a nakontrol ti drayber ti manibela ti luganna ket naidungpar iti nasao a pasdek.

Rimuar ti airbag iti luganna nga isu ti nangsarapa kenkuana isu a saan unay a naan-ano.

Pinasingkedan ti drayber a naggapu isuna iti ili ti San Juan ket agawid koman idin ta napasamak ti aksidente.

Nupay kasta, naipaagas iti ospital ti drayber ken naduktalan a mapapati a nakainom.