VIGAN CITY – Natay ti lalaki nga agtawen ti dua pulo a nagmaneho iti motorsiklo idinto a nadunor iti kinalubbon na iti pannaka-aksidente da idiay by-pass road a sakupen ti Barangay Tablac, Candon City idi alas onse kwarenta iti rabii ti September 28.
Nabigbig dagiti biktima a da Rayman Molina nga agtawen ti dua pulo nga agnaed idiay San Isidro, Candon City a nagmaneho iti motorsiklo idinto a ti kinalubbon na ket ni Marwin dela Cruz nga agtawen met laeng ti dua pulo nga agnaed idiay Banucal, Lidlidda.
Agpapa-amiyanan dagiti dua idi naawanan iti kontrol iti manibela iti motorsiklo ni Molina isu a naaksidente da.
Agsipud iti dayta, nagsagaba dagiti dua iti nakaro a dunor iti naduma-duma a paset iti bagi da ket naitaray da idiay Candon General Hospital ngem naideklerar a dead on arrival ni Molina idinto a ni Dela Cruz ket agpapa-imbag metten.
Naduktalan a nakainom iti arak dagiti dua idi napasamak iti aksidente.
