VIGAN CITY – Natay bayat ti pannakatamingna ni Mark Anthony Queddeng a taga-Barangay Magsaysay, Santa gapu ti pannakadisgrasyana iti national highway ti Barangay Bantay Abot, Narvacan.
Agpapalaud a direksyon ti biktima a nagmaneho iti motorsiklo idin ta nadalanan na ti nalinnek a paset ti kalsada a rason ti saanna a pannakakontrol ti manibela ti luganna ket naitupa ti ulona iti poste.
Nakahelmet ti biktima ngem gapu ti impact ti aksidente ket naikkat a puon ti nakaro a pannakadunor ti ulo ken dadduma a paset ti bagina.
Segun ken ni PMaj. Arcadio Viloria, outer lane ti nakapasamakan ti aksidente ngem saan pay a maibaga no ti drayber ket nag-overtake ken no napaspas ti patarayna.
Naipan iti Ilocos Sur District Hospital-Narvacan ti drayber ti motorsiklo ngem saanen a naisalakan ti biagna.