Maysa a bangkay ti lalaki ti nasarakan iti irigasyon idiay Barangay Paing, Bantay, Ilocos Sur.
Ti biktima ket agtawen iti limapulo ket dua, naasawaan nga agnaed iti nasao a lugar.
Segun ti Bantay Municipal Police Station, sakbay iti insidente ket naki-inninom ti biktima iti pagtaengan ti pamiliada ta kasangay ti inana ket apaman a nalpas iti pasken, pimmanaw a nagmaneho iti motorsiklo.
Mapapati a gapu iti bartek ti biktima ket naawanan iti kontrol iti motorsiklona a gappuanan iti pannakatinnagna iti irrigation canal a mapapati a rason iti nakalmesanna.
Naideklarar ti biktima a dead on the spot babaen ti Municipal Health Officer iti Bantay.
Nagpalagip ti kapulisan a liklikan iti agmaneho no naka-inom iti arak ken ipangruna latta iti kinatalged tapno maliklikan iti kas iti nasao nga insidente.
