VIGAN CITY – Dead on Arrival ti nagmaneho iti motorsiklo gapu iti pannakaidungparna iti truck iti national road idiay Brgy. Lucaban, Burgos.
Nabigbig ti nagmaneho iti motorsiklo nga Euro a ni Edcel Hernandez Pascua, adda ti usto nga edad, residente ti Barangay Nalvo, Sta. Maria, idinto ti driver iti Isuzu Elf truck ket ni Jeff Sooc Degsi, agtawen ti duapulo ket maysa, ken residente ti Brgy. Poblacion, Alilem.
Iti pannaki-uman ti Bombo Radyo Vigan ken ni Police Captain Melvin Trinidad ti Burgos Municipal Police Station, naggapo ti Sta. Maria iti nakamotorsklo nga umuneg ti Burgos, idinto ti Truck ket agturong iti amianan a direksiyon, ket idi makadanun da ti nakapasamakan ti aksidente, mapapati a nag-overtake ti nakamotorsiklo iti kurbaan a paset ti kalsada, gapu dayta saan a nakasubli insigida iti linya na a pakaigapuanan ti pannakadungparna iti kasabatna a truck ken pannaka-slide na.
Segun ken ni Trinidad, mapapati a naka-inum ti nakamotorsiko, ket gapu iti kinapigsa ti impact ti aksidente, naiwa iti makinkannigid a luppo na agpababa, karaman pay ditan ti barukong na ken abaga na a makinkannigid.
Naipan ti nakamotorsiklo Ilocos Sur District Hospital- Narvacan para ti pannakataming na ngem naideklara a dead on arrival.
Agpada dagiti dua a driver nga awan ti lisensiya da, isu a naikkan ti driver iti truck ti ticket gapu iti panaglabsing na ti traffic ordinance, idinto ti nakamotorsiklo ket awanan ti papel ken saan a nakarehistro.
Kabayatanna, naawat met ti ama ti nakamotorsiklo nga aksidente laeng amin a napasamak, ken addan iti inisyal a patagan ti ama iti natay ken iti driver ti truck.
VOICE OF Police Captain Melvin Trinidad
