Lalaki a nagmaneho iti motorsiklo, naidungpar iti alad

VIGAN CITY – Nadunor ti maysa a nagmaneho iti motorsiklo gapu ti aksidente idiay Barangay Turod, Cabugao.

Nabigbig ti nagmaneho ti motorsiklo a ni Emmanuel Comapanero Castillo, agtawen iti sangapulo ket walo, agnaed iti Barangay Turod, Cabugao.

Segun iti drayber, naggapu isuna a nakiinom iti gayyemna idiay Barangay Arnap, Cabugao.

Agpapalaud ti motorsiklo idin ta saan a nakontrol ti drayber ti luganna ket naidungpar iti alad ti pagtaengan nga adda iti amianan a paset ti kalsada.

Kabayatanna, natakuatan a saan a nakasuot iti helmet ti drayber idi napasamak ti aksidente.