--Ads--
Naipaagas iti ospital ti maysa a nagmaneho iti motorsiklo a naaksidente idiay Barangay Magsaysay District, Santa, Ilocos Sur.
Nabigbig ti nagmaneho iti Yamaha Mio I 125 a motorsiklo a ni Roderick Antolin Martinez, agtawen iti uppat a pulo ket pito, taga-Barangay Pasungol, Santa.
Agpapaabagatan ti motorsiklo ket idi nagtengna ti nakapasamakan ti insidente, nadungparna ti kongkreto nga alad iti laud a paset ti kalsada.
Malaksid pay dayta, nagsagaba iti seizure ti drayber isu a saanna a nakontrol ti manibela ti luganna.
-- ADVERTISEMENT --
Gapu dayta, nadunor ti ulo ken dagiti saka ti drayber ket naipaagas iti ospital para iti naan-anay a pannatamingna.
