--Ads--
VIGAN CITY – Maysa a lalaki iti nagsagaba iti dunor iti nadumaduma a paset iti bagina ta naawanan iti kontrol bayat iti panagmanehona idiay Brgy. Poblcaion Norte, Lidlidda.
Nabigbig ti nagmaneho iti kurong-kurong a ni Jeremias Marianas, agtawen ti limapulo ket innem, naasawaan nga agnaed iti nasao a lugar.
Maibasar iti inisyal nga imbestigasyon nga inruar dagiti pannakabagi ti linteg, agpapa-amianan a direksyon ni Marianas idi naawanan iti kontrol iti manibelana a gappuanan iti pannakaidungparna iti nangisit a motorsiklo a nakaparking iti daya a paset iti kalsada.
Gapu iti dayta ket nadunor iti ulo ni Marianas isu a naipan iti Lidlidda Rural Health unit ngem naiyakar met laeng idiay Candon General Hospital para iti pannakatamingna.
-- ADVERTISEMENT --
