VIGAN CITY – Dead on arrival ti maysa a lalaki a nagmaneho iti motorsiklo ta nagsarili idiay Brgy. Laslasong West, Sta. Maria.
Iti pannaki-uman ti Bombo Radyo Vigan ken ni Plt. Joel Dasargo, OIC Sta. Maria Municipal Police Station, napaspas iti panagmaneho ni Andrew Escobar, agtawen iti duapulo ket maysa, baro, laborer nga agnaed idiay Nagsayaoan, Sta. Maria kas pinasingkedan dagiti nalabsanna.
Segun ken ni Dasargo, impakammo dagiti linabsanna a nakitada laengen a naipasngat iti railings ti rangtay iti motorsiklo idinto a natinnag iti baba ni Escobar a nakaitupaan ti ulona a gappuanan iti pannadundunor ken pannakatayna.
Kiddaw ni Dasargo kadagiti amin a motorista a saanda unay nga agpataray ken liklikanda iti agmanehon nu nakainomda iti nasanger tapno maliklikan iti aksidente.
Kabayatanna, nainget a maipapatungpal iti health protocols kagiddan iti covid-19 ken agtultuloy iti panagmonitor dagiti pannakabagi ti linteg tapno nasayaat a mapasangbayan iti baro a tawen.
