VIGAN CITY – Natay ti maysa a lalaki a naka lugan iti motorsiklo ta naki dinnungpar iti sumungsungad nga Isuzu Elf Truck idiay Sitio San Jose Brgy. Magsaysay District, Santa.
Segun kenni Police Chief Master Sergeant Flor Cardenas, deputy chief of police ti Santa municipal police station, agpapaamyanan a direksyon ti Yamaha mio motorcycle a minaneho ni Jayson Gabuco nga agnaed ti Zone 4 Tangadan, San Quintin Abara idi inovertakan na iti sar-sarunwen na a lugan.
Idi nagovertake ni Gabuco, saan na a nasiputan iti sumungsungad nga Isuzu Elf Truck a minaneho ni Benjamin Paringit nga agnaed ti Olo- Olo Norte, Santiago nga agpapaabagatan a direksyon nga isu iti nakapasamakan iti aksidente.
Nakahelmet ti biktima ngem nakaro iti sinagaba na a dunor iti rupa ken barukong na a poon iti nakatayan na.
