Dead on arrival ti maysa a lalaki a nagmaneho iti kurong-kurong a pinaltugan ti saan pay nabigbig a suspek iti Diversion Road idiay Barangay Cabaroan Bantay, Ilocos Sur.
Nabigbgig ti biktima a ni Joeffrey Jaramillo, agnaed iti Barangay San Pablo, Sto. Domingo, Ilocos Sur.
Segun iti kadua ti biktima a ni Salvador Pascua Duran, nakaluganda iti kurong-kurong a mapan idiay Vigan City nga agideliver iti furniture idin ta ti motorsiklo iti likudanda ket nag-overtake ket isu ti gundaway a pinangpaltogda iti biktima.
Nagsagaba iti tama ti paltog ti biktima a naitaray iti balay pagagasan ngem saanen a nakalasat.
Naala dagiti kameng ti Scene of the Crime Operatives wenno SOCO ti lima a basyo ti bala iti nakapasamakan iti pammaltog.
Agtultuloy ti panangduktal dagiti pannakabagi ti linteg iti motibo ti pasamak.
