Nakalasat ti maysa nga agtawen-iti-sangapulo ket siam a mangmangged kalpasan a pinaputukan iti paltog ti maysa a lalaki idiay Barangay San Jose, Narvacan, Ilocos Sur itay parbangon.
Ti biktima ket agnaed iti nasao a barangay idinto a ti suspek nga agtawen iti uppat a pulo, ket agnaed iti Barangay Camarao.
Maibasar iti imbestigasion, agcel-cellphone ti biktima iti maysa a paglakoan iti national highway ti Barangay San Jose, idin ta inasitgan isuna ti suspek a nangawis kenkuana nga uminom idiay Bulanos beach.
Saan a kinayat ti biktima ket intuloyna latta ti nag-cellphone.
Kalpasan ti sumagmamano a gundaway, limmugan ti suspek iti motorsioklona ken inasitganna ti ayan ti biktima, nangasot iti paltog iti sibetna ket nagpaputok iti naminsan a daras.
Nakataray ti biktima isu a natalged ken saan a nadunor.
Naglibas met ti suspek babaen iti inaramatna a motorsiklo.
Nangiwayaten dagiti pannakabagi ti linteg iti hot pursuit operation para iti pannakakemmeg ti suspek.
