VIGAN CITY – Panaglabsing ti Republic Act 10591 ti kaso a sangwen ni David Golino Jaramillo, agtawen ti uppat a pulo ket walo, naasawaan, awanan trabaho nga agnaed idiay Brgy. San Pablo, Sto Domingo, Ilocos Sur.
Ti panangsayangkat ti Oplan Sita dagiti kameng ti Sto. Domingo Municipal Police Station, nakemmeg ti suspek gapu ti panangipakaammo kadakuada ti confidential informant nga adda ti maysa a lalaki nga addaan ti paltog a nakamotorsiklo.
Amin a dimmalyasat ti checkpoint ket kinita dagiti pannakabagi ti linteg ket idi nakitada ti nasao a lalaki ket sinaludsodda nu adda ti lisensyana isu a natiketan ngem bayat ti panangawatda ti TVR ket naipangato ti bado ti suspek a gappuanan ti pannakakita da ti nakaisukibot a paltog a Caliber 45 pistol ken adda ti naipan ti magazine-na a pito a balana.
Napaay a nangipakita ti dokumento iti panagikotna ti paltog isu a kinemmeg dagiti otoridad ket naidalan ti medical examination ngem naiyakar met laeng iti Sto. Domingo Police Station tapno dumalan ti husto a proseso.
