VIGAN CITY – Naiserbin dagiti pannakabagi ti linteg ti search warrant kontra ken ni Alex Andaya, agtawen iti innem a pulo ket walo a taga-Dasay, Narvacan gapu ti panaglabsingna iti Republic Act 10591 wenno Illegal Possession of Firearms and Ammunition Act.
Iti pannaki-uman ti Bombo Radyo Vigan ken ni PMaj. Daniel Burgos, dagiti residente ti nasao a barangay ti makakitkita nga agik-ikot iti paltog ti suspek isu a naipakat ti search warrant operation ket naalada iti pagtaenganna ti maysa a magazine assembly iti M16 rifle nga adda siam a piraso iti live ammunition ti 5.56 MM.
Ti search warrant ket inyulog ni Presiding Judge Elizabeth Bringas iti RTC Branch 72, Narvacan a napetsaan iti Apri 23, 2021.
Nupay kasta, nakakustodian ti suspek kadagiti pannakabagi ti linteg pakairamanan dagiti naala kenkuana a kontrabando tapno dumalan iti husto a proseso
