Lalaki a nagikot iti paltog iti karnabal, nakemmeg

Nakemmeg ti maysa a lalaki a nagikot iti paltog iti karnabal idiay Barangay Don Lorenzo Querubin, Caoayan, Ilocos Sur.

Ti suspek ket agtawen iti tallopulo ket maysa, taga-Barangay Poblacion, Santol, La Union.

Nakaawat dagiti pannakabagi ti linteg ti Caoayan iti tawag manipud iti manager ti karnabal mainaig iti mapapati a panaglabsing iti Republic Act 10591.

Idi makasangpet dagiti pannakabagi ti linteg, iggemen ti carnival staff ti suspek.

Naala manipud iti bakrang ti suspek ti maysa a Glock 27 Gen4 Caliber 40 nga adda nakaikabil a magazine ken adda 13 a balana.