VIGAN CITY – Sapsapulen ni Isidro Florendo nga agtawen ti innem a pulo ket walo (68) a tubo ti Pidigan, Abra ngem agnanaeden idiay Montreal, Canada ti putot na ti dati nga asawa na a ni Rosita Palongpong a saan na pay pulos a nakitkita.
Mapatta-patta nga agtawenen ti uppat a pulo ti putot ni Florendo a sapsapulen na ta kayat na a tulungan.
Nagsina da Florendo kenni Palongpong gapu ta saan da nga agkinnaawatan isu a nagsakit iti nakem ni Florendo ket saan nan nga inpakpaka-ammo iti papan na idiay Spain sakbay a nag-cross country a napan idiay Canada nga isun iti nakapukawan na iti komunikasyon na kenkuana.
Saan nga ammo ni Florendo a masikog ti asawa na idi napan idiay Spain agingga a nadamag na a napan idiay Visayas ti asawa na ket idiay nga inpasngay na ti anak da ngem saan na pulos a nakitkita ken saan na pay nga ammo ti nagan na.
