VIGAN CITY – Pimmusay bayat ti pannakatamingna ni Lorenzo Argallon, agtawen iti limapulo ket pito a taga-Nagsangalan, Vigan City gapu ti pannakasagid kenkuana ti motorsiklo iti paset ti Diversion Road, San Julian, Bantay.
Nabigbig ti nagmaneho iti motorsiklo a ni Norwin Bautista, agtawen iti tallopulo ket maysa nga agnaed iti Nagsangalan, Vigan City.
Agbisbisikleta ti biktima iti Diversion road a nakainom iti arak idin ta ti motorsiklo a sumarsaruno kenkuana ket lisyanna koma ti biktima ngem isu met ti nagturongan ti nagbisikleta iti naglisyanna.
Awan ti dunor a sinagrap ti biktima ngem iti pannakaitarayna iti ospital, nakita dagiti doktor ti bukol iti ulona ken natakuatan a nadaraan ti utekna.
Iti pannaki-uman ti Bombo Radyo Vigan ken ni Roland Valdez a kayong ti biktima, imposible ti kinuna ti nangdungpar kenkuana a sinarapana ti biktima idi napasamak ti aksidente agsipud ta agpadada met a nagmaneho.
Kabayatanna, pinasingkedan met ti putot ti biktima a ni Mary Rose Quirino nga awan pay ti nagpapatanganda iti nakadungpar ta ti ipangpangrunada ket ti pannakaimasayag ti amana idiay Barangay San Julian West.
