Lalaki a nagbisikleta, naidungpar iti kotse

VIGAN CITY – Naipaagas iti ospital ti maysa a lalaki a nagbisikleta gapu ti pannakaidungparna iti maysa a kotse idiay Sagat, Sta. Cruz.

Nabigbig ti nagbisikleta a ni Jessie Javillo, agtawen iti tallopulo ket dua, mangngalap a taga-Mantanas iti nasao nga ili idinto a ti nagmaneho iti kotse ket ni Kenneth Fernandez, agtawen iti duapulo ket siam a taga-Lalong.

Agpapalaud a direksion ti kotse idin ta saan a nakontrol ti nagbisikleta ti manibela ket napan iti bangir a linya a gapuanan ti panagdinnungpar.

Saan a nadangran ti drayber iti kotse idinto a ti nagbisikleta ket nagasgasan ti nadumaduma a paset ti bagina.