VIGAN CITY – Natay ni Lorence Tabangin Taculog, agtawen iti tallopulo ket pito, construction worker, agnaed iti Barangay Bungro, San Ildefonso ta nadungpar iti motorsiklo bayat ti panagballasiwna idiay Brgy. Puerta Real, Sto. Domingo, Ilocos Sur.
Ti nagmaneho iti motorsiklo ket ni John Paul Tolentino Tangca, agtawen iti duapulo ket maysa, agnaed iti Barangay Puerta Real, Sto. Domingo.
Iti pannaki-uman ti Bombo Radyo Vigan ken ni PSMS Aniceto Gelacio a Chief Investigator iti Sto. Domingo Municipal Police Station, agpapa-amianan ti motorsiklo idin ta nadungparna ti nagballasiw a ni Taculog.
Gapu dayta, agpada a nadunor dagiti dua a naipaagas iti Northside Doctor Hospital, Bantay ngem saanen a nakalasat ti nagballasiw idinto a kritikal ti kasasaad ti nagmaneho iti motorsiklo.
Naamoan a dagiti dua ket agpada a nakainom iti arak idi napasamak iti aksidente.
Gapu dayta, maisagsagana ti kaso a Reckless Imprudence Resulting to Homicide ti nagmotorsiklo.
VIDEO OF PSMS ANICETO GELACIO
