--Ads--
VIGAN CITY – Natay ti maysa a lalaki a naganawa ti riri ti agasawa idiay Brgy. Suysuyan, Lidlidda, Ilocos Sur.
Nabigbig ti biktima a ni Archie Tudayan Eusebio agtawen ti tallo pulo, naasawaan ken STL Collector idinto a ti suspek ket ni Raymund Tudayan Eusebio, agtawen ti tallo pulo ket tallo nga agpada nga agnaed ti nasao a barangay.
Maibasar ti imbestigasyon ti Lidlidda Municipal Police Station, agin-inom ti biktima ken dagiti dua a kaduana idin bigla a dimteng ti suspek ket nakisango ngem pimmanaw met laeng a nagturong iti asawana nga agdigdigos ti karayan.
Adda ti saan a nagkinnawatan dagiti agasawa agingga a nagtakdangda ti karayan ket nagtultuloy ti riri da isu a naganawa ti biktima ngem binagkong ti suspek iti barukongna.
-- ADVERTISEMENT --
