VIGAN CITY – Nadunor ni Romy Alarca nga agtawen ti lima pulo ket tallo, mannalon ken agnaed idiay Barangay Lapting, San Juan ta binagkong ni Ryan Somejo nga agtawen ti tallo pulo ket pito, baro, tricycle driver nga agnaed met laeng iti nasao a lugar a kas pinasingkedan ni Police Captain Benjamin Raquedan, hepe ti San Juan municipal police station.
Nagi-inom dagiti agkakarruba a da Alarca, Somejo, Emerson Torda kenni Danilo Martinez idi adda iti saan da a nagkikinnaawatan ket naganawa ni Alarca ngem mapapati a nadanogna ni Somejo isu a nangala ti kutsilyo ket binagkong na ti Alarca a nakatamaan iti baba iti boksit na.
Naitaray idiay ospital ti biktima idinto a ti suspek ket napan naglemmeng idiay pagtaengan da ngem nakemmeg met laeng dagiti otoridad.
Desidido iti pamilya ti biktima a mangipila da iti kaso kontra ti suspek.
