Lalaki a naganawa iti riri ti agnobio, nabagkong

Nakemmeg ti maysa lalaki a suspek iti pammagkong idiay Sitio Bengang, Barangay Cappa-cappa, San Esteban, Ilocos Sur.

Ti suspek ket agtawen iti duapulo ket tallo, taga-Barangay Suso, Sta. Maria.

Ti met biktima ket agtawen iti duapulo ket lima, construction worker, taga-Barangay Cappa-cappa.

Agin-inom ti suspek ken dagiti dua a kaduana iti sangwanan ti maysa a sari-sari store idin ta dimteng ti nobia ti suspek.

Rimsua ti nabara a saritaan iti nagbaetan ti suspek ken ti nobiana, ket inanawa ida ti biktima ngem binagkong daytoy ti suspek.

Naipaagas iti ospital ti biktima para iti naan-anay a pannakatamingna.