VIGAN CITY – Saanen a nakapagrambak iti baro a tawen ti maysa a lalaki a naaksidente idiay Banaoang, Bantay a ni Robert Bryan Riotoc, agtawen iti duapulo ket siam a taga-Tamag, Vigan Cit, drayber ti Toyota Dyna Drop side.
Nabigbig met ti drayber ti dump truck a ni Dennis Gonzales, agtawen iti tallopulo ket pito a taga-Lubong, Bangued, Abra.
Agpada nga agpapadaya dagiti dua a lugan idin ta napaspas a nagovertake ti Toyota Dyna ket naidungpar iti nasao a dump truck.
Gapu ti dayta, nagsagaba iti nakaro a dunor ti biktima a puon ti pannakatayna idinto a ti kaduana a ni Generico Noval, agtawen iti duapulo ket walo a taga-Zone 3, Bantay ket agpapalaing iti ospital.
Awan ti nagbanagan ti lugan ti biktiman a nagkarga kadagiti LPG tank a mapapati a saanna a nakakontrolan iti manibela ti luganna kalaksidan laeng iti agpasalog a paset ti kalsada a nakapasamakan ti aksidente a maibilang nga accident prone area.
