--Ads--
VIGAN CITY – Na-comatose ni Alpacino Navarro Dela Cruz, agtawen iti uppat a pulo ket maysa, agnaed iti Barangay Oaig Daya, Candon City gapu ti pannakadungpar kenkuana ti maysa nga SUV idiay Barangay Balaleng, Bantay.
Nabigbig ti nagmaneho iti SUV a ni Dennis Siababa Paat, agtawen iti tallopulo ket walo, agnaed iti Barangay IX, Vigan City.
Agpapa-abagatan ti SUV idin ta nadungparna ti bimmallasiw a ni Dela Cruz a gapuanan ti pannakadunor ti ulona idinto a ti drayber ti SUV ken dagiti pasaherona ket saan a naan-ano.
Nupay kasta, boluntaryo met a simmuko ti drayber ti SUV kadagiti pannakabagi ti linteg.
-- ADVERTISEMENT --
