--Ads--
Dead on arrival ti maysa a lalaki gapu iti pannakadungparna iti bus iti national highway ti Barangay Oaig Daya, Candon City, Ilocos Sur.
Nabigbig ti drayber ti Higer Truck Florida Bus a ni Frances Daquioag Andres, agtawen iti limapulo, taga-Barangay San Jose, Sarrat, Ilocos Norte.
Ti met natay a biktima ket ni Ador Domingo Revero, agtawen iti uppat a pulo ket walo, construction worker, taga-Barangay Poblacion, Luba, Abra.
Segun iti maysa a witness, agpapa-amianan ti Florida bus idin ta nadungparna ti biktima a bigla a bimmallasiw iti kalsada.
-- ADVERTISEMENT --
Gapu dayta, nagsagaba iti nakaro a dunor ti biktima a naipaagas iti Candon City Hospital ngem naideklarar a dead on arrival.
Saan met a naan-ano ti drayber ti bus, konduktor ken dagiti pasaherona.
