VIGAN CITY – Natayen idi maisangpet iti pagagasan ni Eddie Manantan, agtawen iti uppat a pulo ket siam, hollowblock maker a taga-Gen Primo, Bangar, La Union ta binugbog ti maysa a lalaki.
Magmagna nga agawid ni Angelica May Legaspi idin ta nalabsanna dagiti agiinom ket nag-HI LOVE ti kadua ti biktima a ni Antonio Maron Jr. Isu a timmaray gapu ti bainna.
Sinangat ti suspek a ni Silbino Lazaro, agtawen iti limapulo ket lima, tricycle driver a taga-Pudoc West, Tagudin ni Maron kasta payen ni Guillermo Villanueva ngem simmungbat iti agkakadakes a balikas ti biktima a rason ti panangdanogna iti namindua a daras iti rupana.
Gapu ti dayta, naitupa isuna iti tanke iti motorsiklona ket naawanan iti puot ket naitaray iti ospital ngem saanen a nakalasat.
Nupay kasta, maisagsaganan ti kaso a sangwen ti suspek a simmuko kadagiti pannakabagi ti linteg.
