Vigan City -Matamtamming idiay Northside Doctors Hospital ken kritikal iti kasasaad na ni Larry Alibanto agtawen tallo pulo ket duwa gapo iti pammagsol kenkuana dagiti duwa a suspect idiay Brgy. Cabalangegan.
Segun ti imbestigasyon dagiti pulis, nabigbig dagiti suspect a da Frederick Cabanting ti Brgy. Sococ, Narvacan kenni Marvin Egar a tubo ti Brgy. Mambog ili ti Santiago.
Basar ti imbestigasyon ti Vigan City Police Station, madama nga agiinom dagiti biktima iti piggery iti nasao a lugar agingga nga adda iti saan da a panagkikinnawatan ket dinarop da a duwa iti biktima ken binagdol da.
Depensa ti maysa kadagiti suspect a ni Frederick Cabanting a saan nga isuda iti nangbagkong ti biktima ta nakigtot da laengen idin naipakammu kadakuada a nabagsol iti kadwa da a napan nagpaarayat ken isuda iti maitudtudo a suspect.
Ti agdama addan ti Vigan City Police Station dagiti suspect para iti pannakaipila iti kaso kontra kadakuada.
