VIGAN CITY – Kaso a panaglabsing iti Republic Act 10591 iti sanguen ni Christian Soria, agtawen ti duapulo ket maysa, baro, awanan trabaho nga agnaed idiay San Pedro, Narvacan a naalaan ti paltog idiay Abuor, Narvacan.
Iti pannaki-uman ti Bombo Radyo Vigan ken ni PCapt. Arcadio Viloria ti Narvacan Police Station, kaduana ni Soria ni Christian Brent Mendoza iti barangay marker iti nasao a barangay idi nakita isuda ni Christian Cabe a nakalugan iti kotsena ket nasilawanna nga adda iti paltog a nakasukibot ken ni Soria.
Gapu iti dayta ket rimuar iti kotse ni Cabe ket tinurongna ni Soria ket innalana ti paltog ket inreportna kadagiti pannakabagi ti linteg ngem naglibas ti suspek isu a naisayangkat ti hot pursuit operation idiay Brgy. San Pedro a nakakemmegenna.
Kabayatanna, ti naala a Calibre 38 ket addaan iti uppat a bala, awanan ti markings ken awanan ti serial number.
